GENERAL SANTOS CITY- Gipanghimakak ni Land Transportation Office (LTO) 12 Regional Director Melharrieh "King" Tomawis nga duna siyay balay nga nikantidad ug P11M pesos ingon man luho nga Toyota Land Cruiser sukwahi sa mga mitumaw nga pasangil ngadto kaniya.

"Yung 11 million na bahay daw, Hanggang ngayon nag-re-renta po ako sa Marbel...kahit may ganon ako na pera sakali wala po akong balak na permanenteng bahay dito sa Marbel dahil temporary lang po ako. Hindi po ako taga rito, presidential appointee lang po ako," pagpadayag sa maong LTO official sa usa ka presscon nga gipahigayun sa usa ka Steak House kauban pipila ka mga personahe sa media dinhi sa siyudad.

Kalabot sa giingon nga Land Cruiser, giangkon ni Tomawis nga nakagamit siya ug susama nga sakyanan apan iyang giklaro nga gipahuwam lang kini sa iyang "Tita" nga milyonarya gani iya na kining giuli kay dili niya kaya ang maintenance niini.

"Pagkapasok ko po sa LTO may Tita po ako na milyonarya, yun businesswoman po pinahiram lang sa akin pero sinuli ko din dahil hindi kaya ang maintenance," tubag ni Tomawis sa maong isyu kinsa mipadayag nga walay korapsyon nga nagahitabo sa LTO 12 ubos sa iyang liderato.

Lakip sa iyang gi-deny ang kalabot sa paghatag ug "quota" nga P300, 000 nga salapi matag buwan ngadto sa mga LTO district chiefs nga segun sa pasangil i-remit alang ngadto sa Partido Federal nga gipangulohan ni South Cotabato Governor Reynaldo "Jun" Tamayo.

"Hinihiling ko po sa mga kababayan natin na wag po silang maniwala dun dahil po kawawa naman yung mabuting tao, ang ating mahal na South Cotabato Governor, si Gov Jun Tamayo dahil wala po siyang kinalaman sa isyung ito. Ni minsan hindi po siya nakialam sa LTO, ni minsan wala siyang hininging pabor na kahit maliit man lang sa LTO. Kawawa po yung tao...Wag na po natin siyang idamay dito," matud pa usab ni RD Tomawis.

Labot sa isyu sa mga fixers nga maoy hinungdan sab sa korapsyon sa LTO, nibahad si Tomawis nga iyang dakpon ang bisan kinsa nga fixers nga iyang mahibaw-an luyo sa mga pasangil nga kusog ang kalihukan sa mga fixers ubos sa mga LTO offices sa tibuok Region 12.

"Mensahe ko sa mga fixers humanda na kayo ha kasi talagang nang-gigil na ako sa inyo maraming tao ang nadadamay nyo. Ihinto nyo yan bago pa huli ang lahat, mas paigtingin ko po ang misyon ko laban sa inyo. Pasensyahan na tayo kung sino ang masagasaan," segun sa warning ni Tomawis.

Nagduda si Tomawis nga lakip sa nangdaut kaniya mao ang mga personahe sa LTO nga naapektuhan sa iyang gipahigayun nga reshuffling human siya nilingkod niadtong Hunyo 2023 puli ni kanhi Regional Director Macario Gonzaga.

Ang pamilya ni Tomawis gibantog sab hinoon nga mga kwartahan didto sa Lanao del Sur ug Marawi gani dunay transportation business nga mga bus ang mao nilang pamilya ug mga paryente. /with a report from CCO